وكالات –كود//
راجل طلع ليه الدم من كثرة المشاكل مع مراتو وقرر ينتاحر، واختار يوثق للجريمة لي ارتكب فحق نفسو في لايف على فايسبوك.
ميخائيل حسب ما نقلات الصحافة الروسية دار 2 فيديوهات، الأول شرح فيه المشاكل لي عندو مع مراتو، وفي اللايف الثاني طلقو ونقز من الشرجم ومات.
ملي دار اللايف الأول بزاف ديال صحابو حاولو يقنعوه يعدل على القرار ديالو من خلال التعاليق، ومفكرش شي واحد يطير عندو باش يعتقو، وماجا فين يكمل الفيديو الأول دار الثاني وتلاح.
وحاليا البوليس فتحو تحقيق باش يشوفو أصل المشكل، وتم الاستماع للشهود العيان لي كانو حاضرين وقت الحادثة.
