كود الرباط ///
“كورونا فيروس” قتلات اليوم 1497 ف3 دول اوربية فقط وهي ايطاليا ب743 قتيل واسبانيا ب514 حالة وفرانسا ب240 حالة. ضربة كبيرة لهاد الفيروس اليوم. ايطاليا تزادو الحالات ب7 بالمائة ووصلات تقريبا ل64 الف حالة.
فاسبانيا قوادت بزاف تزادت ب20 بالمائة ووصل العدد ل40 الف حالة وسط احتجاجات كبيرة على حكومة اليساري بيدرو سانشيز لتدبير هاد الملف.
اما فرانسا فقتلات 240 شخص وصل حالات الاصابة 22300 وتزادت ف24 ساعة شي 2400 حالة.
الضربة لكبيرة جات لميركان اللي قتلات عندها 600 حالة وولات هي الثالثة فالعالم من حيث الاصابات ب46450 حالة.
