عن ا ف ب ///

هادي سابقة فاوربا. بريطانيا اول دولة غادية تحيد قيود صحية كثيرة ابتداء من 27 من هاد الشهر. فقد اعلن اليون الاربعاء رئيس الحكومة البريطانية بوريس جونسون، انه تقرر رفع هاد القيود. يعني ما غادياش تبقى لكمامة الزامية ما غاديش يبقى العمل عن بعد. اشتراط الباس سانيتير ما غاديش يبقى اجباري باش تدخل ليبواط وشي تجمعات كبرى.

كما اعلن انو يعتزم “وقف حجر المصابين في مارس”.

التبرير اللي قدمو انو هاد الكوفيد ولى “متوطنا علينا استبدال القيود الملزمة قانونا بتوصيات”.

حتى هادوك التدابير ديال الحجر الصحي غادية تحيد باش تنهي مدتها ف24 مارس وقال جونسون باللي ممكن يتعلن على هاد الشي قبل. يعني حتى واحد ما غادي يبقى يدير لاكارونتين.

وبريطانيا اللي بغى يدخل ليها ما بقاش مطلوب منو “البي سي ار”.