الرئيسية > آش واقع > والي كازا قدام المحكمة والسبب التقصير فأداء المهام. دعاه مهندس عيى ما يجري ويجاري على هاد القضية
08/12/2021 09:30 آش واقع

والي كازا قدام المحكمة والسبب التقصير فأداء المهام. دعاه مهندس عيى ما يجري ويجاري على هاد القضية

والي كازا قدام المحكمة والسبب التقصير فأداء المهام. دعاه مهندس عيى ما يجري ويجاري على هاد القضية

سعيد الشاوي – كود كازا ////

بعد العامل ديال برشيد، اللي غرماتو المحكمة الإدارية بـ 3000 درهم عن كل يوم تأخير، يخلصها من جيبو، حيث تعنت ورفض يقوم بالمهام ديالو اللي تيفرضها عليه القانون، بخصوص تنفيذ حكم نهائي، جات النوبا على والي الدار البيضاء، اللي حتى هو متهم بـالتعنت وتحقير مقرر قضائي، حيث رفض يقوم بالواجب اللي من أجلو حطاتو الدولة في عمالة الدار البيضاء.

كود جابت الأخبار بلي الجلسة غتبدا اليوم فالمحكمة الإدارية، واللي رفع القضية هو واحد المهندس، بعد ما عيا من الطلوع والهبوط والتزاويك، قرر يلجأ المحكمة الإدارية اللي فكازا، باش ياخذ حقو بالقانون.

والقضية هي أن المهندس استصدر قرار قضائي نهائي عن محكمة الاستئناف الإدارية، في مواجهة عامل عمالة مقاطعة مولاي رشيد، اللي حكمات عليها المحكمة بأداء 1.369.000 درهم، ولكن منين جا المهندس ينفذ الحكم القضائي، لقى عراقيل، وشطط، وحيث الوالي هو اللي خصوا يشرف على مسطرة التنفيذ بقا خونا تيطلع ويهبط بلا فائدة، وبانت شي سلوكات لا تليق بالإدارة، بحال الوالي مكاينش وغيرها من التسويفات.

وقال المهندس في المقال الاستعجالي اللي رفعوا أمام المحكمة الإدارية إنه من خلال مجريات الملف تبت تعنت وإصرار الممثل القانوني للشخص المعنوي العام لعدم تنفيذ الحكم لمبررات لا تستقيم طيلة عشرة سنوات. ما نتجت عنه اضرار.

وطالب باش يتطبق القانون والحكم على المدعي عليه عامل الدار البيضاء، اللي هوا الوالي، بأدائه لفائدة العارض تعويضا قدره 3000 درهم عن كل يوم تأخير بصفته الشخصية، لأن السلوكات اللي صدرات عليه شخصية ولا تمثل الإدارة التي من واجبها التفاعل مع شكايات المواطنين وتنفيذ الأحكام وغيرها من سلوكات المواطنة.

موضوعات أخرى

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد

28/03/2024 11:30

فهم تسطى مع نظام العسكر.. الجزائر عينات جوج قناصل فالمغرب واخا دايرين القطيعة معانا