نجوى المالحي -كود//

قضية اب الرابور المغربي العالمي كريم خربوش المشهور بفرانش مونتانا مازال مسمترة، وماوقفاتش وقال في فيديو جديد أنه ملي كان لباس عليه كان كيروج في المغرب في البنك فلوس بين 600 و 700 مليون سنويا لكن ملي وقع ضحية نصب حتى واحد مداها فيه.

وزاد أب مونتانا لي هو واحد من المليارديرات في ميريكان أن عائلة الزوجة ديالو مسيطرة على ولادو ومكتوريهمش الحقيقة وكيتحكمو فيهم كيفما كيبغيو وهادشي هو لي خلا ولادو ماعارفينش شنو واقع.

واخر لقاء كان بين الرابور وباه هو العام لي فات ملي شارك في مهرجان موازين في الرباط.

ودابا كيطلب منو يساعدو باش مايجريوش عليه من الدار لأنه ماعندو فين يسكن.

وكان الأب ديال مونتانا شعل فراسو العافية قدام البرلمان وسيفط رسالة لبوتين، وطلب كاع الجنسية الاسرائلية باش يلفت الانتباه لمعاناة ديالو زعما، و لكن مازال هادشي مستمر هادي دابا كثر من 9 سنين.