كود – عن بي بي سي عربي//
تعرضات 200 شركة أمريكية لهجوم إلكتروني ببرمجيات “الفدية الخبيثة ransomware”، حسب شركة “هانتريس لابس”، وهي مؤسسة للأمن الإلكتروني فميريكان.
وقالت الشركة فبيان ليها، أن هذا لاطاك استهدف شركة تكنولوجيا المعلومات “كاسيا” فولاية فلوريدا، قبل ما ينتشر بين الشبكات المؤسسية اللي كتستخدم برمجيات الشركة، وفبيان ليها قالت “كاسيا” انها كتحقق فالهجوم اللي اعتبراتو “.
ورجحات مؤسسة “هانتريس لابس” لأمن الأنترنت، أن جماعة “ريفيل” المرتبطة بروسيا و”فيروس الفدية” اللي طوراتو يقد يكون هو سبب هذ لاطاك.
وقال جون هاموند، كبير باحثي الأمن الإلكتروني فمؤسسة هانتريس لابس، فرسالة فالإيميل سافطها ل”رويترز”: “هذا هجوم هائل ومدمر لسلسلة العرض”.
من جهتها، أكدات الوكالة الأمريكية للأمن الإلكتروني والبنية التحتية، فبيان ليها، أنها اتخذات إجراءات للتعامل مع هاد الهجوم.
ورجحات “كاسيا” أن أحد تطبيقاتها المشغلة للخوادم الإلكترونية، وأجهزة كمبيوتر سطح المكتب، وأدوات الشبكات فالشركات، يقدر يكون تعرض لاختراق إلكتروني.
وطلبات الشركة عملاءها اللي كيستخدمو أدوات VSA اللي طوراتها باش يسدو خوادمهم فالحال.
وهاد الهجوم تكتشف لبارح الجمعة، تزامنا مع عيد الاستقلال غدا الحد، واللي شادة فيه الشركات عطلة طويلة حتى لنهار الاثنين.
