الرئيسية > آراء > واش هاد الناس بغاو يرضونا فحال مصر ؟ لي فينما شي محامي مايعجبوش شي عمل فني و لا اللباس ديال شي فنانة ينوض يرفع عليهم دعوى قضائية و يطالب بتوقيف العمل ؟ انتكاسة كبيرة هادي باش يبان عندنا تاحنا امثال ” نبيه الوحش”
30/04/2021 16:00 آراء

واش هاد الناس بغاو يرضونا فحال مصر ؟ لي فينما شي محامي مايعجبوش شي عمل فني و لا اللباس ديال شي فنانة ينوض يرفع عليهم دعوى قضائية و يطالب بتوقيف العمل ؟ انتكاسة كبيرة هادي باش يبان عندنا تاحنا امثال ” نبيه الوحش”

واش هاد الناس بغاو يرضونا فحال مصر ؟ لي فينما شي محامي مايعجبوش شي عمل فني و لا اللباس ديال شي فنانة ينوض يرفع عليهم دعوى قضائية و يطالب بتوقيف العمل ؟ انتكاسة كبيرة هادي باش يبان عندنا تاحنا امثال ” نبيه الوحش”

سهام البارودي – كود//

كإنسانة كانت مبلية بأخبار الفنانين المصريين ففترة المراهقة ! كنت كانسمع بزاف بواحد المحامي سميتو “نبيه الوحش” لي محطم الروكور فعدد الدعاوى القضائية لي كايرفع على الفنانين ! ها نبيه الوحش يهاجم نبيلة عبيد ! نبيه الوحش يرفع دعوى قضائية على الهام شاهين ! السيد كان غي لاماعجبوهش حوايج ممثلة فشي فيلم كاينوض يجري يحط بيهم شكاية و كنت كانقول الحمد لله على نعمة المغرب لي واخا يا الله كانحبيو تاحنا فمجال الحقوق و الحريات و لكن ماوصلناش لهاد النيڤو.

حتى لمؤخرا كانتصدم فاش كانسمع بمحامي كايرفع دعوى قضائية لاش ؟ حيت حقا و الواد ماعجبوش كيفاش شخصية محامي كاتبان فواحد السلسلة!فحال هاد الاخبار لي مستحيل تسمعها فشي دولة متقدمة كاتحتارم الابداع !

راه مصيبة كبيرة هادي انه المحاماة ! لي ولدات لينا أطر حزبيين و حقوقيين و ناس من ديما و هوما كايدافعو على الحريات و الحقوق فالمغرب نلقاو وسطها ناس كاتفكر بهاد الطريقة و باغا تلتجأ للقضاء لاش؟ باش آ سيدي توقف عمل فني ! و توضع قيود على الابداع!

الابداع يا دين الرب ! الابداع غايتحبس علاش ؟ حيت الشخصية مايعجباتش واحد الشخص ! يعني غدا و لا بعدو لا درنا مسلسل فيه طبيب شفار راه غاينوضو الاطباء يطالبو بتوقيف المسلسل و لا درنا مسرحية فيها قاضي مرتشي راه خاص القضاة يطالبو بتوقيف المسرحية و لا درنا معلم كسول خاص ينتافضو المعلمين و هاكا غانبقاو نديرو انتاجات فنية فيها كلشي زوين و كلشي ولد الناس باش تاواحد مايتقيلق لينا ! طز يا النقاش طز ! طز يا الحرية طز ! على هاد الحساب غي نسدو السينيما و لا مسرح و لا تلفزة و نمشيو نبيعو البتيخ

وا ابدعنا بكري معاكم آ عباد الله !  يا الله المستوى ديال الانتاجات الفنية فالمغرب بدا كايتحسن شوية بالشوية و فحال هاد الفعايل راه كاتزيد تقودها على الابداع فهاد البلاد.

موضوعات أخرى

29/03/2024 10:21

تقرير رسمي: أسعار الصناعات الغذائية فبلادنا تراجعات وإنتاج وتوزيع الما والضو مستقر

29/03/2024 10:00

دقة تابعا دقة فـ”قضية تمويل فرحان” مول الشروق. بوصوف كان غادي يدير درس حسني قدام سيدنا ويقدم كتابو ليه وحيدوه

29/03/2024 09:50

ماتش الكوكب والحسنية.. تابعوه 20 ألف واحد وولاية أمن لمدينة لحمرا سخرات 1270 بوليسي وها شحال تشدو

29/03/2024 09:42

السينمائيون يهاجمون بنسعيد: كاين تراجع فالمكتسبات للي تحققات فحكومات سابقة وخاص حوار جاد ومسؤول باش نتجاوزو الأزمة

29/03/2024 09:15

الوداد طواو صفحة الناصيري وطلعو البرناكي كرئيس 20 فتاريخ النادي ودارو مليون للي بغا ينخرط

29/03/2024 09:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟