كود الرباط ///

فلقاء خاص مع شباب رائد من العالم قال مصطفى التراب الرئيس المدير العام للمجمع الشريف للفوسفاط فمراكش نهاية الاسبوع ان معدل سن الناس اللي خدامين فالفوسفاط هو 35 سنة. كان كيتكلم مع ناس ما عندهم حتى حد يدافع عليهم. طلعو بدراعهم. كان من الحضور وحدة من الفوسفاط اسمها عائشة الحمومي الادريسي. ما هي ذكية بحال هادوك اللي كانو حاضرين ما هي شابة من جيل هادوك الشباب.

طريقتها المتعجرفة خلاتها باسلة فهاد الفوسفاط. ولكن شكون هي. كتخلع الناس باللي من عائلة علال الفاسي وجداتها وقعات على وثيقة المطالبة بالاستقلال. بحال كثار من هادو دخلو للفوسفاط ماشي بذراعهم بل بشبكة علاقاتهم. هاد الحمومي كان بوها واحد من خدم ادريس البصري.

شفتو باواتهم دارو ما بغاو فالدولة وارتبط اسمهم بالتاريخ الاسود للبلاد وولادهم شادين البوسطات لمزيانين. هما اللي طلعات ليهم