كود كازا ///

هاد الحكومة تهاوشت وصافي. دابا اليوم تسجلات 801 حالة فيها كورونا فيروس ويالله مات 17 واحد٬ ومع ذلك دارت بيان فالنصاصات الليل فيه علنات على قرارها “تمديد فترة العمل بالتدابير التي تم إقرارها يوم الأربعاء 23 دجنبر 2020 لمدة أسبوع إضافي، وذلك ابتداء من يوم الأربعاء 13 يناير 2021 على الساعة التاسعة ليلا مع الإبقاء على الإجراءات الاحترازية”

البيان الغبي قال باللي هاد الشي بسباب “ظهور سلالات جديدة من هذا الفيروس في بعض الدول المجاورة وبناء على توصيات اللجنة العلمية والتقنية بضرورة تعزيز إجراءات حالة الطوارئ الصحية والاستمرار في التقيد بالتدابير والإجراءات الضرورية للتصدي لفيروس كورونا” طبعا هاد الشي ما شادش. كاينة سلالة جديدة ويالله عندنا 800 حالة وبزاف. اييه درنا تيست قليل ولكن راه عدد الموتى اللي كيحدد اش من اجراءات غاديين نديرو بالاضافة الى الحالات اللي كاينة فبيت الخطر.

دابا هاد الحكومة زادت فمتاعب القهاوي والريسطورات باش قررات:
1. إغلاق المطاعم والمقاهي والمتاجر والمحلات التجارية الكبرى على الساعة 8 مساء؛
2. حظر التنقل الليلي على الصعيد الوطني، يوميا من الساعة التاسعة ليلا إلى الساعة السادسة صباحا، باستثناء الحالات الخاصة؛
3. منع الحفلات والتجمعات العامة أو الخاصة؛
وخلات جميع التدابير الاحترازية المعلن عليها فالسابق

دابا يقولو لينا اش من منطق كيعتامدو فهاد القرارات الغبية