كود كازا //
قضية سليمان الريسوني مدير تحرير “اخبار اليوم” مازال ما بانتش مزيان. كاينة شكاية لشاب فمراكش كيتاهمو مرة بالتحرش مرة بالاغتصاب. دابا النيابة العامة فتحات الملف والصحافي تحت الحراسة النظرية.
غير اللي مثير غريب بزاف هو المحامي ديالو او اللي ختارتو الاسرة ديالو كيف قال هو. هاد المحامي هو عبد المولى المروري. كيفاش هاد الحقوقي المحامي يدير تدوينة مستفزة وصافي. كتب فيها “هل فعلا تم قبول شكاية شخص يتبجح بانه مثلي” يعني من قوم لوط” يدعي فيها تعرضه لمحاولة اغتضاب؟ من الاولى بالاعتقال؟ في اي بلد يقع هذا. عجيب امر هؤلاء”.
هاد المحامي الاسلامي كيعتابر المثلية “قوم لوط” يعني معيورة. رجل القانون والمدافع على الضحايا كيفما كانو كيعتابر ادعاء شخص مثلي للاغتصاب لا يستقيم وعقله المتخلف. وكتب “من الاولى بالاعتقال” يعني باغي اي واحد قال راني اغتصبت وحقاش مثلي خاصهم يشدوه هو. فين عايش هاد السيد.
وزاد فالاخير بعبارة ما تصدرش على محامي بل على غراق. “في اي بلد يقع هذا. عجيب امر هؤلاء”. يعني يهدر على المغرب بلد اسلامي بلد امارة المؤمنين. يا المحامي راها ماشي ولاية ديال داعش راها دولة الحق والقانون هادي.
ثم امر شكون عجيب. اذن كتعرف شكون دار هاد الشي. علاش تقبل تكون محامي.
انت خدمتك القانون والدفاع على الجميع. هاد التدوينة كتغرق اي واحد دافعتي عليه
