الشبكة اللي نصبات على بنات ففاس لتسهيل استغلالهن فالدعارة خارج لبلاد تقدمات للوكيل العام والنيابة العامة بدات تستنطق المشتبه فيهم
وكالات//
كوري بورتنوف، اختصاصي ديال السمعيات في مستشفى جامعة كولورادو في ميريكان علن أن فكرة ليزيات ديال الوذنين كتخرج على حاسة السمع وكتدمر الخلايا الداخلية لي في الدماغ فكرة خاطئة.
الطبيب لي نشر دراسة في مجلة نيويورك تايمز قال أن ليزيات بحالهم بحال الكاسك لي كيتحط فوق الراس ما عندهم حتى علاقة بمشاكل السمع والأمراض لي كتضرب الوذنين والراس.
وكشف الدكتور أن لي كيخرج على الوذنين هو الصوت المرتفع هو لي كيتسبب في مشاكل في طبلة الأذن وممكن يأذي لمشاكل في السمع.
وقالت الدراسة أنه من الآمن الواحد ما يستعملش السماعات ديال الأذن أكثر من 90 دقيقة في النهار، ومستوى صوت ما يفوتش 80 في المائة.
وكيفاش كيأثر الصوت؟ قال الطبيب المتخصص أن سماعات الأذن كتسيفط موجات لطبلة الأذن وكتسبب في اهتزازها، ومع مرور الوقت الاستجابة لهاد الأصوات كيضعاف.
ومن الأمراض لي كتصيب الأذن بسبب الصوت المرتفع فقدان السمع وطنين الوذنين والشقيقة والتهاب الأذن وأمراض في الرأس.