كود هناء ابو علي ////

بغات “كود” تعرف معطيات اكثر على شي رحلة من مراكش لاكادير قيل دارتها لمياء بوطالب كاتبة الدولة لدى وزير السياحة مكلفة بالسياحة مع رجل الاعمال المصري ساويريس. مصدر فوزارة السياحة قال ل”كود” باللي ما عمر بوطالب ركبات فطيارة مع سواريس. المصدر اكد ل”كود” باللي سواريس ممكن يستثمر فالمغرب فقطاع السياحة ولكن ما عمر لوزيرة ركبات معاه.

المصدر قال ل”كود” باللي لوزيرة بحال كاع الوزرا ولوزيرات اللي كيخدمو وكيتحركو باش يجيبو الاستثمار للبلاد كيمشيو فطيارة مستثمرين كبار باش يقنعوهم يجيو يستثمرو فالبلاد. بل هاد الشي يضيف مصدر “كود” واجب عليها. راه هاد المستثمرين كيجيو على ساعات. خاصهم يشوفو كلشي. كيكون عندهم طياراتهم. حضور لوزير معاهم كيعطيهم مبرر كبير يستثمرو. كيبين باللي الدولة كلها كتخدم الاستثمار يشرح مصدر “كود”.