الرئيسية > آش واقع > واش لوبيات الأدوية غلبو البرلمان: كيفاش تقرير المهمة الاستطلاعية عطا صورة وردية على مختبرات الأدوية وبلاصات الكشف عن المستور واخا هادي غير اشهر تقرير رسمي فضح هاد اللوبي
07/07/2021 15:30 آش واقع

واش لوبيات الأدوية غلبو البرلمان: كيفاش تقرير المهمة الاستطلاعية عطا صورة وردية على مختبرات الأدوية وبلاصات الكشف عن المستور واخا هادي غير اشهر تقرير رسمي فضح هاد اللوبي

واش لوبيات الأدوية غلبو البرلمان: كيفاش تقرير المهمة الاستطلاعية عطا صورة وردية على مختبرات الأدوية وبلاصات الكشف عن المستور واخا هادي غير اشهر تقرير رسمي فضح هاد اللوبي

كود الرباط//

المهمة الاستطلاعية البرلمانية المؤقتة حول عمل مديرية الأدوية والصيدلة، دارت تقرير وصفاتو مصادر برلمانية بـ”الضعيف”، حتى أن وزير الصحة شكرو وعجبو اليوم فلجنة القطاعات الانتاجية، حيث مجبدش الفضايح وكيفاش لوبي الأدوية قهر المغاربة. فرق شاسع بين هاد المهمة والتقرير اللي دارت مجموعة العمل البرلمانية حول الصحة برئاسة الحبيب المالكي. هادي فضيحة برلمانية وصافي.

للتذكير فقط، قبل أشهر قليلة، كشف تقرير رسمي تصدر باسم الحبيب المالكي رئيس مجلس النواب، الرجل الثالث في هرم الدولة، اللي ترأس مجموعة العمل الموضوعاتية المكلفة بالمنظومة الصحية، أن غلاء الأدوية كبد الصندوق الوطني للمنظمات الاحتياط الاجتماعي 292 مليون درهم سنة 2019. هاد التواطؤ بين لوبيات الأدوية مهضراتش عليه المهمة الاستطلاعية.

علاش تقرير ضعيف بزاف، أولا دغيا تبرمج وتفاعل معه وزير الصحة بسرعة ودغيا دوزوه.. تقرير العام زين وصافي.

التقرير هضر بالحشمة على ضعف التنافسية وكيفاش الصناعة الدوائية فبلادنا تراجعت بزاف بسبب المساطر المجحفة واللي كتسبب حسب ما جاء التقرير.

التقرير جا فيه :”تم خنق الصناعة الدوائية المحلية للدواء الجنيس بهذه الاجراءات التي تكلف قرابة 55 مليار كعملة صعبة تخرج من البلاد لأننا على نتوفر على مختبرات التكافؤ الحيوي الكافية لاستيعاب هده العملية. وهو ما يؤثر على ثمن الدواء”.

مديرة شركة سوطيما اللي خدات صفقة انتاج اللقاح فالمغرب، ووقعات الاتفاقية امام الملك محمد السادس، هضرت على العراقيل فالمساطر الإدارية بخصوص تسويق المنتوج الدوائي المغربي.

وتطرق التقرير ديال المهمة فجزء صغير إلى حجز كميات كبيرة من الأدوية المشغوشة (خصوصا فيثامين سي والزنك) من طرف الشرطة القضائية المتخصصة في محاربة الجريمة الالكترونية، خلال فترة الجايحة.
وحسب نفس التقرير، تم تفتيش أكثر من 65 في المائة من المؤسسات الصيدلية، وتحقيقات متعلقة بمراقبة التطعيم ضد االانفلونزا والتحقق من مخزون بعض الأدوية منها فيثامين سي والزنك، وارسال 29 تقرير الى الامانة العامة للحكومة وطلبات اغلاق 5 مؤسسات صيدلية موزعة بالجملة مخالفة للقانون.
وسجل التقير الترخيص لمختبرات صيدلية صناعية لا تتوفر على مصنع فعلي يخضع لشروط المصنع.

موضوعات أخرى

28/03/2024 14:45

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 13:30

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد