كود مصطفى الشاذلي ///

واش بصاح اسماعيل الحداد لعاب الوداد البيضاوي لعب ماتش خريبكة نهار الاثنين 10 غشت 2020 وهو فيه “كورونا ڤيروس”؟ الماتش كان سالى ب3 ل2 للحمرا وخلاها تاخد المقدمة مؤقتا قبل ما تسترجعها الراجا بعد ما ربحات بجوج حسنية اكادير.

علاش هاد الشي حقاش بعد يومين اي نهار لاربعا 12 علنات الوداد باللي 5 فيهم 3 لعابة الحمرا: اسماعيل الحداد وبدر غادارين وابراهيم نجم الدين بالاضافة الي عضوين واحد اداري والثاني مع الفريق الطبي٬ جاتهم “كورونا”. 

حسب معطيات حصرية حصلت عليها “كود” فان اسماعيل الحداد دار بريليفمون  خاص بالتسيت نهار 08 غشت فمختبر “ال ان ري” وهاد التحليلة خرجات سلبية. اي ان اللعاب وكيف هو البروطوكول المعمول بيه=تيست سي بي ار وسيرولوجي 48 ساعة قبل الماتش= كان بين باللي ما فيه والو. 

دابا من بعد الوداد كلها كاينة فاوطيل دايرين الحجر الصحي. وفق مصدر من ادارة الوداد فان حسب مصدر من ادارة الوداد ل”كود” فان كاع لعابة الوداد للي فلوطيل وتحت الحجر الصحي ما تسجلات بيناتهم حتى شي اصابة. خاص يدوزو 14 يوم باش يكون التأكيد واش كاينة اصابة ولا اللا