الرئيسية > آش واقع > واش فرنسا بغات تخنق المغرب ماليا فهاد الأزمة؟. الرباط بدات تحرك ضد مناورات باريس وتحمي الجالية المغربية من التضييق ديال الاليزي
26/06/2022 11:30 آش واقع

واش فرنسا بغات تخنق المغرب ماليا فهاد الأزمة؟. الرباط بدات تحرك ضد مناورات باريس وتحمي الجالية المغربية من التضييق ديال الاليزي

واش فرنسا بغات تخنق المغرب ماليا فهاد الأزمة؟. الرباط بدات تحرك ضد مناورات باريس وتحمي الجالية المغربية من التضييق ديال الاليزي

كود الرباط //

المغرب خدام ضد مناورات فرنسا فالاتحاد الأوروبي، خصوصا محاولات من باريس باش تخنق مغاربة الخارج فالابناك الأوربية، إضافة إلى أن ضغوطات كبيرة باش المملكة تبقا في القائمة الرمادية ديال  گافي (غسل الأموال وتمويل الإرهاب).

الرباط خدمات بكري وشكلات  لجنة تضم مختلف الوزارات والإدارات المعنية، بهدف وضع خطة عمل وإعداد تقرير يفترض بعثه إلى مجموعة العمل المالي كل أربعة أشهر بهدف توضيح الإصلاحات التي يجرى القيام بها من أجل الإفلات من القائمة الرمادية.

وكشف والي بنك المغرب عبد اللطيف الجواهري، بلي بقات مسافة 100 متر أخيرة باش نخرجو شتنبر من هاد القائمة الرمادية، وقال بلي هادشي مكيهمش القطاع البنكي حيث ما يهم القطاع تقاد مع الگافي، وبلي كدولة خصنا نخرجو من القائمة، مضيفا بعض التوصيات القليلة لي بقات خصنا نوفيو بها، وذلك في ندوة صحافية الأسبوع الماضي.

من غير هادشي ضغوط باريس باينا فالتعامل مع مغاربة العالم تزامنا مع عملية مرحبا والعودة ديالهم، بحيث كاين محاولات التضييق على العمليات ديالهم.

الدوفيز مهم بزاف للمغرب فهاد الازمة، لذلك فرنسا كاضغظ باش تزيد تخنق البلاد، ويقدر هادشي يزيد يصب الزيت على نار الأزمة بين البلدين.
هاد القضية بالنسبة للمغرب قضية حساسة ومسألة وطنية حيث هاد الجالية كيجيبو الدوفيز بل هادوك مواطنين مغاربة خصنا ندافعو عليهم، وهادشي لي قال عليه والي بنك المغرب في الندوة لي كانت الأسبوع الفايت.

وحسب والي بنك المغرب عبد اللطيف الجواهري، فإن الرباط كتوجد تفاوض مع الاتحاد الأوروبي باش ميديروش قانون موحد تعرقل عمليات التحويلات المالية ديال الجالية إلى المغرب.

وعلى حساب آخر البيانات ديال مكتب الصرف، مؤخرا، تجاوزات تحويلات المغاربة المقيمين بالخارج سقف ال 30,56 مليار درهم حتى متم أبريل 2022، مقابل 29,03 مليار درهم مقارنة مع 2021.

موضوعات أخرى

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا