عمر المزيـن – كود//

واش غادي المغرب يرفع حالة الطوارئ الصحية ف20 ماي؟ هاد الشي داير ومحرك. الوضعية الوبائية المستقرة نوعا ما هي اللي خلات هاد الفرضية كدور. غير هاد لشي ماشي محسوم. هاد الشي اللي اكدو ل”كود” مصدر من وزارة الداخلية. المصدر قال ل”كود” “ما يمكنش لينا نحسمو فهاد التاريخ بشكل نهائي”. اي ممكن اه وممكن اللا.

المصدر ذكر “كود” بتصريح وزير الداخلية، عبد الوافي لفتيت، البارح اللي قال فيه خلال اجتماع لجنة الداخلية بمجلس النواب، بأنه مايمكنش نعرفو وقتاش غادي نخرجو من الحجر الصحي.

وكان وزير الداخلية قد توقع أن تكون الأيام المقبلة صعبة بسبب “كورونا”، موضحا أنه لا يتضح أنه سيكون هناك حل قريب، وهو ما يتطلب التعايش مع هاد الجايحة.

دابا كاين تخوف من عودة للفيروس وكاين توجه كيقول بعد رمضان والعيد ممكن المغرب يبدا تطبيق رفع حالة الطوارئ الصحية بتدرج.

غاديين نكونو بحال كاع دول العالم ونديرو هاد الرفع علي 4 مراحل او 4. هاد الشي كيعني ان عيد الفطر غاديين نديروه فديورنا زمن كورونا