نجوى المالحي-كود//

الممثل رفيق بوبكر نجم فيلم “القسم8” عاطيها غير القصف وحشيان الهضرة  فانستگرام.

البارح دار بوسط كتب فيه “الراجل يدير الفلوس يبدل المرا. والمرا دير الفلوس تبدل الوجه”.

وكل واحد وشنو فهم من هاد الماقولة، كاين لي قال أن المقصودين هما الرابور مسلم والمغنية دنيا باطمة.

رفيق لي مباغي يتحاك مع حتى واحد ناض بلا عكز دار بوسط ثاني قال فيه أنه مقاصد حتى واحد بالاسم وأنه المثل عجبو وحطو.

ولأن بوبكر منوض روينة مؤخرا وكيدوي فبزاف ديال المواضيع المثيرة، قدر فوقت قليل يكمل 100 ألف متابع، وشكرهم البارح وسيفط ليهم بوسة.