الرئيسية > آش واقع > واش رئيس مقاطعة أكدال غادي يأثت مكتبو بـ810 الف درهم؟.. “كود” جابت وثيقة الميزانية.. ومصدر: هادو مزايدات فيدرالية اليسار
03/07/2022 15:30 آش واقع

واش رئيس مقاطعة أكدال غادي يأثت مكتبو بـ810 الف درهم؟.. “كود” جابت وثيقة الميزانية.. ومصدر: هادو مزايدات فيدرالية اليسار

واش رئيس مقاطعة أكدال غادي يأثت مكتبو بـ810 الف درهم؟.. “كود” جابت وثيقة الميزانية.. ومصدر: هادو مزايدات فيدرالية اليسار

كود الرباط//

حصلت “كود” على وثيقة النفقات المبرمجة برسم سنة 2023 بمقاطعة أكدال رياض، بعد الجدل الذي أثاره مستشار فيدرالية اليسار عمر حياني، اللي قال بأن الاغلبية في مجلس المقاطعة خصصت مبلغ 810 ألف درهم من اجل تأثيث مكتب المقاطعة.

وحسب مصدر من المقاطعة فإن الحياني كعاداته خلط شعبان برمضان، فاش كيقارن هاد الميزانية بضعف البنيات التحتية ديال احياء المقاطعة (حي الليمون، الرياض، اكدال..) لأن هاد البنيات تخصص مجلس المدينة، في حين المقاطعة اختصاصاتها باينين واضحين.

وأكد ذات المصدر أنه على عكس ما روج مستشار فيدرالية اليسار، فإن الوثيقة توضح بلي الميزانية نقصات مقارنة مع 2021 لي حطوها العدالة والتنمية، مشيرا بلي ميمكنش نهضرو على مقاطعة بدون حواسيب ولا مكاتب ولا توفير ظروف للموظفين. موضحا بلي الميزانية نقصات من 17 مليون و100 الف درهم الى 16 مليون و650 الف درهم.


وشدد ذات المصدر بلي الترويج لتأثيت مكتب رئيس المقاطعة كذوب، وانما التأثيت كيشمل المقر الرئيسي لي فيه كذلك قاعة كبرى للاجتماعات ومصالح تقنية، اضافة الى المركز الثقافي اكدال والمركز السوسيو تربوي بحي الرياض، اضافة الى الملحقات الادارية والاقسام و10 مصالح. هنا تزادت الميزانية بـ10 الف درهم وولات 810 الف درهم.

وشدد ذات المصدر بلي :”ميمكنش نهضرو على تأثيت بلا ما نهضرو على مكاتب وحواسيب اضافة الى العتاد المعلوماتي والتقني”.

الغريب كذلك، حسب مصدر من الاغلبية، ان من الرافضين لهاد مستشارين فالعدالة والتنمية، هو ما نفسهم حطو نفس الميزانية ف 2021، بل مكاين تا فرق كبير بين هاد الميزانية والميزانية السابقة.

ونالت الميزانية تصويت 13 مستشارا فيما رفض 8 مستشارين الميزانية من ضمنهم 5 ديال فيدرالية اليسار.

موضوعات أخرى

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا 

18/03/2024 22:30

فرحات مهنا لسيدنا وللمغاربة: القبايل ممتنة للمغرب وللملك وكنطالبو بالدعم السياسي والدبلوماسي باش نوضعو حد للجزائر

18/03/2024 22:00

قضية التيك توكر “ايمان كوين” اللي خرجات كتقول غاتنتاحر وتقتل ولادها معها.. البوليس داير خدمتو وكيستامع ليها