كود الرباط //

عائلة الاخوان ميكري دايرين حالة هاد الايام فالسوشل ميديا بسبب قرار قضائي فيه بلي خصهم يخوي الدار لي كاريين حيث باعثها مولاتها من 2009، وحيث عائلة اخوان ميگري مبغاوش يخرجو من الدار لي فالوداية القضية وصلات للمحكمة.

المحكمة قررت أصدرت قرار بالافراغ خصو يتنفذ، بحيث حضر رجل العون ديال المحكمة ينفذو مع رجال الأمن بتعليمات من النيابة العامة، هنا بدا الفيلم والبكا ديال اخوان ميگري فاش مبغاوش يخرجو.

القصة بسيطة، الملف ف القضاء من 2009 ودبا تحكم بحكم نهائي بالافراغ. وعائلة ميگري كتقول “عائلتهم للتشرد، بعد صدور حكم الإفراغ في حقهم”.

الراحل حسن ميكري كان كايكري هاد الدار من سنة 1974، وف 1980 توصلوا بوثيقة تؤكد أن الإخوان حسن ومحمود الميكري، كارين هاد الدار.

ودابا عائلة ميكري دخلو سيدنا فهاد الملف وطالبين منو يتدخل.