عمر المزين – كود //
من البارح الأربعاء والهضرة دايرة بين البحارة على شي “ميني تسونامي” يقدر يضرب سواحل كازا. لكن اللي مؤكد هو أن أمواج البحر اليوم ماغاديش تشكل شي خطورة كما يروج فالمنطقة، وكيف ماكان الحال خاص الواحد يرد البال لأن الموج غادي يكون عالي شويا.
“كَود” عيطات على المديرية العامة للأرصاد الجوية، وقال المسؤول على التواصل بها، الحسين يوعابد، في تصريح لـ”كَود”، أنه الأمواج غاتكون متوسطة إلى عالية.
وأشار يوعابد، في حديثه معه “كَود”، أن هاد الأمواج غادي توصل اليوم الخميس ما بين 4 أو 5 أمتار بالسواحل ما بين الدار البيضاء وطرفاية.
