25/04/2024 19:30
أصلا خصو “التجريم” فالقانون الجنائي. القضاء انتصر للقانون ضد الأعراف والتخلف السلفي وحكم بالسجن لراجل تزوج بطفلة فدوار بإقليم وجدة
كريم الشركي – كود///
قالت وسائل اعلام صبليونية، أن أزمة المغاربة العالقين فسبتة تقدر تسالي غدا الجمعة، ويخرج ما بين 300 و 400 مغربي عالق فسبتة.
صحيفة ال فارو دي سيوتا نشرات الخبر نقلا على جمعية المقيمين فسبتة لي كيترأسها محمد عبد المالك، وهي الجمعية اللي عندها لائحة العالقين.
وفنفس الوقت نشر موقع “تي في سيوتا”، أن الصبليون لي عالقين فالمغرب، ممكن يفتحو ليهم غدا الجمعة المعابر باش يدخلو لسبتة.
بمعنى أنه يقدر غدا يكون تبادل للعالقين فالجانبين، رغم أن سفارة اسبانيا كانت علنات أن سفينة ديال بالياريا غادي تنطالق غدا الجمعة 22 ماي من ميناء طنجة المتوسط.