سهام البارودي-كود//
فالدول المحترمة المواطنين عارفين انه أي جريمة الحكم النهائي فيها كايكون للمؤسسة القضائية ! هي لي عارفة شنو كادير باش تضمن تحقيق العدالة فالمجتمع، و قبل مايوصل داك المتهم قدام القاضي راه كايكون دار تحقيق من طرف السلطات المعنية و طبعا واخا كاتكون متهم و تكون كاع معترف بالتهم ديالك راه كايكون عندك الحق في الدفاع على نفسك.
و المواطنين كايعرفو بقيمة القضاء و استقلالية القضاء و كايعرفو بلي هاد المؤشرات راها من المؤشرات المهمة فأي دولة، هادشي لي دويت عليه طبعا عند الناس المرضية و المجتمعات لي بنادم قاري و وواعي و فاهم بلي ماشي بالعاطفة كايتحلو المشاكل.
آجي دابا نطلو على الهيبوش لي قالك “نطالب السيد عثمان بنجلون بالتنازل للشاب الذي قام بالسطو على البنك ” ! حملة كبيرة دايرة فالفايسبوك آشنو مات آشنو ؟ بغينا عثمان بنجلون يتنازل على الدعوى المجرم لي دخل يشفر البنك و لا نقاطعو البنك ديالو.
وا شوف دابا قمة الحقارة فين وصلات ! يا تنازلو للمجرم يا نقاطعوكم ! يعني المقاطعة مابقاتش سلاح لإرساء العدل كيما كايروجو ليها هادوك لي متبنينها بل ولات وسيلة لإرساء الظلم و الدفاع عليه و هادشي نتيجة لشنو ؟ نتيجة لفاش كايتلاقا الكالاخ مع وسائل التواصل الاجتماعي و كايولدو ليك محاكمات شعبية كايوليو فيها عباد الله هوما لي كايحددو الأحكام على هواهم عوض يخليو المؤسسات المعنية دير خدمتها!
اليوم بعرور و بعرورة مسوسين الظفار باغين يديرو خدمة البوليس الجدارمية و الوكيل و القاضي !
ايوا على هاد الحساب غير نسدو المحاكم و نبداو نديرو المحاكمات فالشارع و لي بغا المتهم يتشد يخبط جيم و لي بغاه يتطلق يخلي قلب.
يا ولاد الناس ! ما هكذا تورد الإبل يا ولاد الناس ! ماشي هاكا كايتمشاو الدول ! ماشي بالعاطفة ! ايه باه مريض بالكونصير و من بعد ؟ شحال من واحد باه مريض بالكونصير فالعالم واش كلهم كاينوضو يشفرو البنوك ؟ واش المرض و لا الفقر سبب مقنع للجريمة ؟ طبعا لا
هاداك المجرم راه خاصو هوا الاول يفكر فباه و فمو قبل مايهز سيف و يقصد البانكة ! انا كانعرف لي قلبو على باه و مو كايفكر ليهم هوما الأولين باش مايعذبهمش و مايخليهمش فتمارة تابعينو فالحباسات بالقفاف، و باشمن حق غاياخد فلوس عباد الله ؟ فلوس الموظفين و العاملين و المتقاعدين و عباد الله لي حاطة فلوسها فداك البنك و يعطل ليهم شغالاتهم ؟ ويقتل الموظفين د البنك بالخلعة و يمرضهم نفسيا ! باشمن حق ؟
و لا غي حيت باه مريض راه معذور يقدر يطلع فوق راس عباد الله و يخرى !؟
ماعمر ماكان الفقر او المرض مبرر ! و خاص يكون راسك مكسل فيه حمار باش دافع على مجرم غير حيت ” باه مريض” حيت غدا غايدخل عليك مجرم آخر حتى لدارك و يدي ليك ديالك و ينيك ليك مراتك و يبول عليك غير حيت مسكين فقير و مكبوت و الظروف ماساعداتوش و شنو ؟ نسمحو ليه حيت فقير و مافحالوش ؟
