أحمد الطيب – كود – الرباط///

سولات “كود” عزيز الرباح، وزير الطاقة والمعادن والماء والبيئة، على واش غادي يترشح فـ الانتخابات التشريعية الجاية لكن المسؤول الحكومي اللي كيترشح ديما ف القنيطرة قال بأن هادشي مزال متحسم.

وأوضح الوزير الرباح، في تصريح لـ”كود”، قائلاً: “الحزب هو من يقرر بالمساطر الضبوطة، والحزب عندو مؤسسات ومساطر ماشي حنا ففيرمة” ثم اضاف ل”كود” “دابا مازال ما تحسم والو”.

جواب كيخلي خبار عبد الله الكوزي الصحافي ف”الصباح” اللي نشرنها فصفحتو الخاصة شادة. الصحافي قال “عزيز رباح يتنازل لصهره أحمد الهيقي لقيادة لائحة المصباح في الانتخابات الجماعية بدائرة القنيطرة، ورشيد بلمقيصية لقيادة اللائحة المحلية لتشريعيات 2021”.

يمكن ماشي غير هو اللي ما غاديش يقود لائحة حزبو. وزراء اخرين من البي جي دي يقدرو ما يتقدموش فالانتخابات التشريعية المقبلة.