عمـر المزيـن – كود الرباط//

قررت المحكمة الابتدائية بمدينة فاس، أمس الإثنين، تأجيل النظر في محاكمة ثلاثة أشخاص، من بينهم موظف بجماعة فاس ملحق بولاد الطيب ضواحي المدينة، يتابعون في حالة اعتقال احتياطي، إلى غاية 28 شتنبر الجاري.

ووفق ما كشفت عنه مصادر “كود”، فإن تأجيل محاكمة المتهمين الثلاثة، المتابعين على خلفية ابتزاز نائب برلماني وقيادي بحزب التجمع الوطني للأحرار رشيد الفايق٬ جاء استجابة لطلب دفاع الذي التمس تمكينه من الاطلاع على الملف.

المثير فهاد القضية اللّي دبا تحولات لحرب سياسية بين البام والأحرار هو السؤال كتابي اللي مشا عبد اللطيف وهبي، الأمين العام لحزب الأصالة والمعاصرة، حطو لوزير الداخلية كيسولو على الإجراءات المتخذة لفتح تحقيق في هذه النازلة وترتيب مختلف النتائج القانونية.

نرجعو علاش هاد السؤال تحط. مقرب من النائب البرلماني التجمعي اللي كان ضحية ديال ابتزاز من قبل ثلاثة أشخاص يوجدون الآن رهن الاعتقال قال لـ”كود” أن دوافع سياسية وراء هاد السؤال المثير، مشيرا إلى أن الأمين العام لحزب الأصالة والمعاصرة صيفط أحد النواب البرلمانيين بجهة فاس مكناس باش يقنعو البرلماني التجمعي يجي للبام لكن هذا الأخير رفض، وقال بالحرف: “يستحيل نبدل اللون السياسي ديالي”.

“كود” عيطات لهاد البرلماني البامي وسولاتو على هاد اللقاء اللي جمعو بالبرلماني التجمعي قبل أن يتقدم عبد اللطيف وهبي بسؤال كتابي لوزير الداخلية، وقال لـ”كود” بالحرف: “صحيح كان عندي جلسة مع صديقي وطرحت عليه فكرة الاتحاق بالبام لكن رفض مادام أن أخنوش هو رئيس الحزب”.

ورفض البرلماني البامي ربط أسباب السؤال الذي تقدم به وهبي مع اللقاء الذي جمعه بالبرلماني والقيادي التجمعي مؤكدا أن هذا الأخير أكد له أنه “مادام أن أخنوش يوجد على رأس الحمامة يستحيل يبدل اللون السياسي ديالو”.

وكانت فتاة ظهرت في الفيديو كتبكي وكتتهم البرلماني باغتصابو. واكدت انها قاومته وهددها. وكشفت انو قطع ليها السليب والسوتيان واغتصبها وبالعنف وباللي وعدها بالزواج

رشيد الفايق رد من خلال مقربين منو باللي هاد الاتهام ما عندو اساس ولا راس وباللي هي ضحية لهادوك اللي تشدو