كود المحمدية //

هاد عامل المحمدية ولد العلوي المدغري، جابوه حطوه عامل بلا شي تجربة وهادشي خلا عدد من المشاكل توقع فانتخابات المحمدية هاد العام.

من بعد فضيحة جماعة “بني يخلف” اللي كان بطلها القايد ووصلات للقضاء اللي غايفصل فيها، بعدما حاول هاد القايد يطلع جوج مستشارين خاسرين ويطيح جوج ربحو، بانت فضيحة جديدة.

هاد لفضيحة الجديدة متعلقة بمحمد الضاوي، الرئيس المنتخب لجماعة “عين حرودة” التابعة ترابيا للمحمدية، واللي كان هرب المستشارين لأحد الفنادق فمراكش ودار معاهم تصاور فوسط لوطيل، وكانوا كينشرو فيديوهات من تماك ف تحدي لكلشي.

كثر من هادشي هاد السيد ملي ربح ناضو بعض عناصر من الأمن والسلطات دارو ليه بحال الملك ورافقوه باش يدير التحية للناس بواحد الشكل غريب، هادشي كلو وهاد العامل ناعس فالبيرو ديالو ومرؤوسيه كايديرو لفضايح.

https://fb.watch/8aP-WP4vyo/