19/04/2024 23:01
نهضة بركان غيمشيو من مطار الجزائر للوطيل يرتاحو والكاف عطاهم ضمانات على التونيات
نجوى المالحي-كود//
المغنية منال بنشليخة قالت أنها فكل مرة كتحط تصويرة مع راجلها كتضارب معاه وكيتخاصمو.
مولات أغنية “Nta” لي دوات فيها بحب على راجلها وكان هو بطل الكليب، قالت في برنامج ‘مورنينگ شو’، أنها كتآمن بالعين والتقواس، وفي كل مرة كتخاصم مع راجلها كياخدو الأمر بالضحك وكيقولو هاديك غير العين.
وكشفات منال كيفاش تلاقات براجلها أول مرة فعيد ميلادها وكيفاش محملاتوش ولكن الكره كامل تحول لحب وعشق وغرام، وقصتهم سالات أحسن نهاية.
وقالت المغنية أنها عروبية وراجلها فاسي وكان من الصعب بزاف تخيل أنهم يقدرو يتفاهمو، لكن في الأخير تفاهمو بزاف.
