نجوى المالحي-كود//

المغني الجزائري سولكينكَ واخا كحلها مع المغاربة ملي هز الدرابو ديال البوليساريو في حفل في اسبانيا، مازال عندو بلاصتو بين أهل الفن، وشد الطوندونس ديال اليوتل المغربي.

سولكينگ خرج أغنية جديدة البارح سميتها “espérance” وشدات البلاصة اللولة في يوتوب المغرب بحوالي 5 مليون مشاهدة.

الأغنية مصورة على طريقة الفيديو كليب ومن غير المغرب داخلة للطوندونس في بزاف ديال البلدان العربية.