كود كازا//
الرابور عمر السهلي المشهور ب”ديزي دروس”مابغاش يحضر فبرنامج “رشيد شو”، واخا تلقى الدعوة من عند إدارة البرنامج، وواخا الفانز ديالو صوتو لصالح يحضر، فواحد الاستطلاع ديال الراي، دارو على حسابو في انستگرام.
وقال ديزي دروس في لايف دارو فانستگرام: “الأغلبية الساحقة كتگولي سير وعطيه القاصح، ولكن ماكينش علاش نحط راسي فهاد الموقف، وحنا ماشي كلونات باش نديرو الفراجة”.
ووضح ميستر كازافونيا أنه مغاديش يحضر ل “رشيد شو” ، واخا التصويت كان كيصب فصالح حضورو.
