عفراء علوي محمدي- كود//

قال الكاتب العام للفيدرالية الوطنية للنقل السياحي، محمد بامنصور، أن الوضعية الاجتماعية ديال المهنيين فهذ القطاع مازالة كيما هي، “كنا رحبنا بمبادة جلالة الملك، واكدنا اننا سنكون في الصفوف الأمامية لاستقبال الجالية المغربية”، على حساب هضرتو.

وزاد بامنصور، فتصريحو ل”كود”، أن المهنيين كانو خاضو نقاش طويل بعد هذ القرار، وتفاهمو أنها غتكون تخفيضات كتراوح بين 40 حتى ل50 فالمية على المنتوحات ديالهم، “لكن تفاجؤو من بعد أن المكتب الوطني للسياحة ماعطاش اهمية للنقل السياحي، ولا فالترويج ولا فالمبادرات اللي كيدير كيغيب هذ القطاع”، كيف قال.

وصرح أن المهنيين مايمكنش يستفدو من هذ المبادرة من بعد كثر من عام ديال الإغلاق بسباب كورونا، بحكم ان النقل السياحي مامعروفش عند الجالية المغربية وماكيعتمدوهش، وعلى هذشي كيخص، حسبو، الترويج ليه، خصوصا بعد الازمة اللي مرو منها المهنيين.

”
“غدي نطلبو بتدابير من لجنة اليقظة، ووزارة السياحة باش يبقى تأجيل سداد الديون حتى لنهاية السنة ويبقى الدعم ديال الأجراء، باش نتفاداو تسريح العمال وغلق هذ الشركات”، كيقول بامنصور.