كود باريس ////

حصلت “كود” على معطيات جديدة بخصوص القضية الفضيحة التي فجرتها “بابوبي” والمتعلقة بايداع الفنان المغربي الشهير سعد لمجرد رهن الاعتقال بعد اتهامه من قبل فتاة باغتصابها. حسب مصدر “كود” فان سعد لمجرد كان رفقة فتاة فبواط بالعاصمة الفرنسية باريس اللي غادي يقدم فيها حفل نهار 29 اكتوبر. وباش خرج تقول مصادر “كود” مشات معاه للوطيل “ماريوت” ديال شانزيليزي. الشابة خرجات ومشات للكوميسارية بالدائرة 17 بباريس واتهمته ب”الاغتصاب” على درجة خطيرة مع “الاحتجاز” بالفندق المذكور. هاد الشي موجود فالمحضر وفق مصدر “كود”. طبعا البوليس قرقبو عليه وشدوه ودابا مازال معتقل حتى يتعرض على النيابة العامة صباح الجمعة.

سفير المغرب بباريس شكيب بنموسى كما كشفت “بابوبي” تحرك باش القضية ما تبانش ويلقاو ليها حل. دابا القضية كلها بيد الفتاة وما معروفاش واش مغربية ولا للا

لمجرد كانت عندو نفس التهمة بامريكا ولكن عائلتو هرباتو ومازال متابع فيها. مع هاد القضية غادين يجبدوها ويقدرو يسلموه لامريكا