الحشيش اللي شدو البارح وتقتل فيه بزناس طلع عندو علاقة بالحشيش لي لقاوه فسيدي رحال و”گود” جابت تفاصيل العملية
كود- كود//
دشن السفير دافيد ت. فيشر، هو وعدد من كبار شخصيات الحكومة فالمغرب، اليوم الخميس، مقر القنصلية العامة دميريكان الجديدة فكازا.
المقر الجديد تقام ب300 مليون دولار، وغادي يسالي البني ديالو ف2024.
وبهذ المناسبة قال فيشر أن “ميريكان كتراهن على مستقبل كازا كمركز إقليمي للأعمال والتجارة والثقافة والسفر، وفدات الوقت بدات رؤية الملك محمد السادس للمغرب باعتباره بوابة لأفريقيا كتعطي ثمارها”
وزاد السفير، اللي كان معاه القنصل العام دميريكان فكازا، جنيفر راساميمانانا انه سواء تعلق الأمر بالخدمات القنصلية أو بالعلاقات التجارية أو التواصل الثقافي أوغيرها، فإننا نقوم ببناء قنصلية عامة ذات طراز عالمي ترقى لما تستحقه الدار البيضاء”.
القنصلية الاميركية الحالية كتوجد فشارع مولاي يوسف. كانت خانقة هادا اللي من احسن شوارع كازا. دابا كازاوا يقدرو من 2024 يتمعتو بشارعهم. بمدينتهم