كود- عن TSA//
الجزائر ولات تدخل وتخرج فالهضرة، حيت كيف سمعات الاتهامات الموجهة للمغرب بالتجسس، ناضت، وبوحدها فالعالم، تستنكر هذشي، وعلنات أنها غتفتح تحقيق فالتجسس على الجزائريين، لكن بمجرد ما اتهموها حتى هي باستخدام برنامج “Pegasus”، خرجات تكذب وتنكر وتدعي.
واتهمات منظمة مراسلون بلا حدود الجزائر بالتجسس، غير بعد أيام من خروج وزارة الخارجية الجزائرية، كتقول أنها غتفتح تحقيق فالتجسس عليها، باش تصرف الحقد ديالها للمغرب وتصفي معاه الحساب.
وعلنات السفارة الجزائية ففرنسا تقديم شكوى، عبر سفيرها محمد عنتر داوود، ضد منظمة مراسلون بلا حدود، اللي اتهمتها بالتشهير، فبيان للمنظمة بتاريخ تاريخ 19 يوليوز 2021، كتقول فيه أن الجزائر من الدول اللي كتعتمد برنامج Pegasus، وانها كتستخدمو للتجسس على أطراف اخرى.
— عمار بلحيمر – Ammar Belhimer (@AmmarBelhimer) July 23, 2021
واستنكرات السفارة الجزائرية هذشي، واعتبراتو ماشي مقبول، حيت كيحمل “ادعاءات تشهيرية”، و”أكاذيب ماعنداش أساس”، فالوقت اللي عاد كانت كتستنكر التجسس عليها، وكانت متيقاه بعينيها مغمضين، فاش تم اتهام المغرب.
ودابا الجزائر ناسية كومبليتمون امر التحقيق فالتجسس منين دارت عليها الدورة وتفضحات، وتوجهات ليها أصابع الاتهام حتى هي، بحيث ناضت تبرر وتشجب، فسكيزوفرينيا عندها معنى وحيد: العداء للمغرب وانتهاز أنصاف الفرص للوقوف ضدو، واخا يكون مظلوم.
التفاصيل هنا:
https://www.tsa-algerie.com/lalgerie-dement-utiliser-pegasus-et-depose-plainte-contre-rsf/amp/
