عفراء علوي محمدي- كود//

معالم كازا بدات كتندثر وتتبهدل نهار مور نهار، فبعد هدم خصة ساحة الحمام التاريخية، تشهويه سينما ريالطو وإقبار تاريخها بتغيير اسمها ووهبها لسواعدة MBC5، وتخريب فيلا “موفيليي”، واقتلاع أشجار النخيل اللي كيعود عمرها لعقود، جا دور دابا ديال المسرح الملكي فسوق الجميعة، اللي ولا معروض للبيع.

فاتصال “كود” مع شخص من لاجونس المكلفة ببيع المسرح، قال بللي هذ المسرح هو ملك خاص وماشي من ملكية الجماعة، وبللي مولاه فأكَادير وباغي يبيعو.

وقال المصدر نفسو بللي دابا توضع المسر للبيع علا ما يجيبو ماليه الترخيص من وزارة الثقافة، وبللي “غيمكن يحولو اللي غيشريه لقسارية أو مركب تجاري، بحكم أن مساحتو كبيرة، وجا وسط السوق.

وفتواصل “كود” بنائب عمدة الدار البيضاء، عبد الصمد الحيكر، باش تسولو على موقع مجلس المدينة من هذشي، قال فرسالة قصيرة: “لا علم لي”، فالوقت اللي امتنع فيه العمدة عبد العزيز العماري عن الجواب فالتيليفون على اتصال الجريدة بيه.