عفراء علوي محمدي- كود//

تداولات، على نطاق واسع، ف”فيسبوك” وف”واتساب”، صور عرس مثلي مغربي تزوج حديثا بالصديق ديالو الإسباني، فمدينة سبتة.

وبانو الزوجان، فالتصاور، شادين فاليد ديال بغضياتهم، وهازين معاهم مشموم ديال الورد، وكيبانو ضاحكين وناشطين.

وحسب مصادر متطابقة، فهاد التصاور وصلات للعائلة ديال المغربي فمارتيل، وحبابو ماعجبهومش الحال منين شافوهم.

هذا خبار زوين. المغاربة المثليين عايشين حياتهم برا وواخدين حريتهم.. مغربي تزوج بصبليوني وشي متخلفين بحال عادتهم خرجو ينشرو الحقد والكراهية ضد الأقليات وعبرو على رفضهم ديالهم لهاد الزواج، ووصلات بهوم الوقاحة حد سب وشتم المغربي اللي تزوج بالاسباني بسلطة القانون.

لكن بغض النظر عن آراء أصحاب العقول البائدة، هذا خبار زوين كيعني أن المغاربة المثليين لاقيين راحتهم فالدول اللي كتحترم الحريات والأقليات وكتعطيها حقوقها.