وكالات-كود//

وكالة الفضاء الميريكانية “ناسا” كشفات على موعد اول رحلة فضائية بطاقم كامل ديال العيالات، وهاد االتاريخ جا بعدما تم التأجيل بسبب عطل فالمحطة الفضاء الدولية.

وقالت وكالة “أسوشيتد برس” أن رائدتا الفضاء كريستينا كوتش وجيسيكا مير غادي تنطلق رحلتهم نهار الخميس أو الجمعة عوض الاثنين، وهادي  غادي تكون أول رحلة للنساء فقط منذ كثر من نص قرن.

العيالات القادات غادي يبدلو البياسة الخاصة في المركبة عوض ميركبو بطاريات جديدة. وقالت “ناسا”، أن 6 رواد باقيين في المحطة وهم بخير وعلى خير.

وهاد محطة الفضاء الدولية هي المشروع العلمي الأكثر تطورا والأعلى تكلفة فتاريخ اكتشاف الفضاء.

وبدات المحطة من نونبر 2000 في استقبال رواد الفضاء، وفيها حاليا 6 ديال الناس كيدوزو 35 ساعة في السمانة باش يديرو الأبحاث العلمية الفضائية والفيزيائية والبيولوجية.