الرئيسية > آش واقع > هذا إنذار لبعض المدارس بريفي اللي خرجو الگرون مع جايحة كورونا.. حكم قضائي عاقب مدرسة رفضات تعطي لتلاميذ شهادة المغادرة فطنجة
23/09/2020 18:30 آش واقع

هذا إنذار لبعض المدارس بريفي اللي خرجو الگرون مع جايحة كورونا.. حكم قضائي عاقب مدرسة رفضات تعطي لتلاميذ شهادة المغادرة فطنجة

هذا إنذار لبعض المدارس بريفي اللي خرجو الگرون مع جايحة كورونا.. حكم قضائي عاقب مدرسة رفضات تعطي لتلاميذ شهادة المغادرة فطنجة

عفراء علوي محمدي- كود//

صدرات المحكمة الابتدائية لطنجة حكما قضائي استعجالي يقضي بمنح ولي أمر جوج تلاميذ شهادة خروجهم من مدرسة بريفي كانو كيقراو فيها، بالإضافة لنتيجة العام اللي فات والملف المدرسي ديالهم بجميع وثائقو، وتتحمل المصاريف.

وماكانتش بغات المدرسة الخاصة تعطي لولي أمر الولاد شهادة المغادرة، باش يضطر يقيدهم فيها حتى فهذ الموسم الدراسي، ولو أنه بغا ينقلهم لمدرسة عمومية من بعد الأزمة اللي تسبب فيها فيروس كورونا المستجد، واللي تضررو منها الآباء بشكل كبير هذ العام.

وسبق للمحكمة صدرات حكم قضائي بتسليم أم شهادة المغادرة ديال ولدها من مدرسة خصوصية خرى، وتحكم عليها بغرامة ديال 500 درهم على كل يوم تأخر وماخداش شهادة المغادرة.

ورفضات المدرسة تعطي الشهادة بدعوى أن الأم مكتحملش صفة ولي الأمر، وأنه ضروري يكون الأب، وهكذا شافت المحكمة أن منح الولد شهادة المغادرة يصب فالمصلحة ديالو باش يكمل قرايتو، وأن هذ التبرير ديال المدرسة ماكيستند على حتى أساس.

ومجموعة من الأسر فطنجة وكازا وسلا وقع ليها نفس المشكل مع المدارس الخاصة اللي رفضات تعطي لولادهم شهادة المغادرة رغم تأديتهم لجميع الرسوم، باش يبقاو ولادهم كيقراو فيها ومايتمكنوش من التسجيل فالمدارس العمونية، بلا ماتراعي لحاجة الواليدين والأزمة اللي كيعانيو منها.

وهذ الأحكام القضائية ممكن تدير لهذ المدارس الخصوصية العقل وتجبد ليها الوذنين وتحيد منهم الجشع واللهطة اللي ضيعو بسبابها مستقبل وليدات كثار وخلاوهم بلا قرايا.

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي