الرئيسية > آش واقع > هددوها بالاغتصاب وسبوها. مرات سليمان الريسوني خلود المختاري لـ”كود”: كلما نشرت شي حاجة على وضعية راجلي كيوصلني هذشي
07/05/2021 15:50 آش واقع

هددوها بالاغتصاب وسبوها. مرات سليمان الريسوني خلود المختاري لـ”كود”: كلما نشرت شي حاجة على وضعية راجلي كيوصلني هذشي

هددوها بالاغتصاب وسبوها. مرات سليمان الريسوني خلود المختاري لـ”كود”: كلما نشرت شي حاجة على وضعية راجلي كيوصلني هذشي

كود كازا//

تعرضات زوجة الصحافي المعتقل سليمان الريسوني، خلود المختاري، للتهديد بالاغتصاب والسب والشتم على مواقع التواصل الاجتماعي، من طرف فوكونطات مجهولين.

المختاري قالت، فتصريحها ل”كود”، أن هذشي وقع غير هذ اليومين الأخيرين، “وكلما نشرت شيئا عن وضعية سليمان داخل السجن، يتحرشون بي بتعاليق مسيئة، والعادة أنني لا أرد عليهم”، على حساب هضرتها.

وزادت انها كتقوم بمسح التعليقات على حساباتها ف”فيسبوك” و”تويتر” اللي فيها كلام خايب “هددوني بالاغتصاب. وهددو حتى الناشطة النسوية آمنة التراس عندما تضامنت معي، ودارو ليها صورة مسيئة، وقالولو “غادي نذوبوكم فالما القاطع”… شفتي على مستوى حنا فيه؟”، كتساءل المختاري بحرقة.

ونشطاء وصفحات كثار على مواقع التواصل الاجتماعي تضامنو مع المختاري، بعد هذ الحملة اللي تشنات عليها.وهذي 30 يوم والريسوني داير إضراب عن الطعام، وكثر من عام باش مشدود احتياطيا.

ويتابع  الريسوني بتهم “الاحتجاز وهتك العرض بالعنف” فحق شاب مثلي.

 

موضوعات أخرى

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا