23/04/2024 15:00
مازال غاديين فتطرفهم وكلاخهم.. ايران عاقبت گول المنتخب غير حيث عنق مشجعة كانت مخلوعة
كريم الصوفي – كود//
قال تقرير للصحيفة الاقتصادية “ليزيكو”، أن نزيف هجرة الأدمغة المغربية كيتسبب سنويا في فقدان المغرب لحوالي 600 مهندس كيختارو يهاجرو خارج البلاد للبحث عن حياة زوينة ومناصب مخيرة مع ظروف عمل ومعيشة أفضل، وآفاق جيدة لوليداتهم.
وحسب التقرير ذاته، كاين طلب كبير على الكفاءات المغربية في الخارج، بسباب جودة التعليم اللي كيتلقاو، وهاذ الشي كيحفز الظاهرة أكثر، خاصة وسط المهندسين ديال المعلوميات والويب والبرمجيات اللي كيطيرو عليهم الشركات الأجنبية بمجرد إكمالهم حياتهم الأكاديمية.
وأضافت “ليزيكو”، أن تكوين مهندس واحد ف المغرب كيكلف تقريبا 2.5 مليون درهم والبعض منهم كيمشيو بحثا عن آفاق أخرى لاستثمار خبرتهم، وهاذ الأمر متروك للسلطات المغربية لإيجاد الوسائل والاستراتيجيات للاحتفاظ بهذه المهارات في المغرب من أجل تشجيعهم على المساهمة في التنمية الوطنية.
