كود الرباط ///

العربي لمحارشي اللي محزم بيه زعيم الاصالة والمعاصرة حكيم بنشماش جاتو الدقة فالرباط. هاد السيد اللي ولى من وجوه لبلاد واغنياءها بلا خبار حد وحتى شهادة الابتدائية اللي عندو بان باللي مزورة. لحد الان ما عمرو رد على ما كتب وما نشر. هاد الايام الاخيرة اعتاقد باللي هو الرجل القوي للبام. مع المخزن ما يمكنش يقبل بهاد الشي وهو يجبد ليه وذنيه بحاجة عندها علاقة بالبيزنس ديالو.

هاد الملياردير الامي فالسياسة واللي ولى منظر لينا عندو مقهى مطعم تريتور… “ديليسيوزا” فشارع 16 نوفمبر بالرباط مقابلة مع ليسي ديكارت. جاتو لجنة حفظ الصحة باش تراقب هاد العجب ديالو. بان ليهم باللي ما عندوش اصلا رخصة يدير تريتور. هادي قالو ليه وفق مصدر “كود” “غادي تحيد هاد تريتور ولا غادي نسدو ليه المقهى كولو” حتى المطعم كان عندو فيها مشاكل.

ماشي غير هو اللي دارو معاه هاد الشي حتى شي وحدين ولات عندهم مطاعم ومقاهي وو وداخلين فالسياسة مشاو عندهم. المهم هادي قرصة فالودن ماشي قاصحة ولكن قرصة.