كود كود سبور//

فاجتماع المنتدى الجهوي لحزب التجمع الوطني للأحرار فكازا السبت اللي فات، سولو شي تجمعيين عزيز أخنوش، رئيس الحزب عن ترشح بودريقة لرئاسة الرجاء، فرد عليهم باللي الحزب ما عندو علاقة بالترشح، وباللي بودريقة كان رئيس الرجاء قبل ما يجي للحزب.

وأكد أخنوش وفق مصادر حزبية لـ”كود” باللي الأحرار فيه قياديين رؤساء لأندية فإشارة إلى الزيتوني عن أولمبيك الدشيرة، والفيلالي حسن رئيس اتحاد لخميسات، وهشام آيت منا رئيس شباب المحمدية.

باختصار قال ليهم يترشح بودريقة أو ما يترشحش هاداك قرار كيعنيه وكيعني منخرطي نادي الرجاء.