الرئيسية > آراء > ها كيفاش غنات الحمداوية على محمد الخامس: انا خايفة من لبحر لايرحل
06/04/2021 08:00 آراء

ها كيفاش غنات الحمداوية على محمد الخامس: انا خايفة من لبحر لايرحل

ها كيفاش غنات الحمداوية على محمد الخامس: انا خايفة من لبحر لايرحل

هناء ابو علي كود كازا ///

البارح الملك محمد السادس نعى من سماها “الفنانة المقتدرة الحاجة الحمداوية” وجا فبرقية النعي انه يقدم تعازيه الصادقة في “رحيل أيقونة فن العيطة المغربية، التي كرست حياتها لخدمة هذا اللون الغنائي الشعبي العريق، وترسيخه كأحد مكونات الموروث الثقافي الوطني، حيث أبدعت وتألقت بأدائها المتميز، على مدى عقود من الزمن، في ملامسة وجدان أجيال من عشاق هذا الفن المغربي الأصيل، والارتقاء به وطنيا ودوليا”.

وزاد وهادا هو اللي كيهمنا “نستحضر، بكل تقدير، ما كانت تكنه الراحلة الكبيرة من صادق مشاعر المحبة والولاء للعرش العلوي المجيد، وما ظلت تتحلى به من خصال الوطنيات الغيورات، حيث لم تتوانى، أكرم اللـه مثواها، في توظيف فن العيطة، مبكرا، سلاحا لمقاومة الاستعمار، وتجسيد تعلقها المتين بثوابت الأمة ومقدساتها”.

الراحلة الحاجة الحمداوية عاشرات محمد الخامس والحسن الثاني ومحمد السادس. تعتاقلات زمن الاستعمار. باش كتغني الاغنية الشهيرة “انا خايفة من لبحر لا يرحل” كانت كتقصد السلطان. فثقافتنا الشعبية كان ديما السلطان “بحر” على هاد الشي كيقولو “السلطان بحر والبحر ما يركب خوه”.

وعندنا فتاريخنا سلاطين ما تقدرش تركب فشي باطو فالبحر. حقاش “البحر ما يركب خوه”. على هاد الشي فاغنية الحاجة الحمداوية كيتقصد خوفها على رحيل محمد الخامس من قبل الاستعمار. رحيل السلطان. رحيل رمز وحدة لمغاربة. وظفات العيطة سلاح كيف جا فنعي بيان الملك للراحلة.

موضوعات أخرى

28/03/2024 17:38

تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش

28/03/2024 17:30

فيومين.. شكايات جداد بـ”الفساد المالي” طاحوا عند الوكيل العام ففاس.. ومصدر لـ”كود”: وحدا فيها مشات للبحث والباقي قيد الدراسة

28/03/2024 17:00

واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي

28/03/2024 16:20

رقم معاملات “لوسيبي” وصل لـ91,27 مليار درهم فعام 2023 وخا كان انخفاض كبير فأسعار المنتجات الفوسفاطية

28/03/2024 15:30

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 15:20

الريح قوية مع الغبارية .. وزارة التجهيز: الشيافر فهاد المدن يردو بالهوم مزيان فالطريق