الرئيسية > آش واقع > ها كيفاش غادي ياكل التعليم الفرنسي فالمغرب لعصا
23/11/2017 22:12 آش واقع

ها كيفاش غادي ياكل التعليم الفرنسي فالمغرب لعصا

ها كيفاش غادي ياكل التعليم الفرنسي فالمغرب لعصا

كود الرباط ////

جمعية أباء و أولياء تلاميذ ثانوية ديكارت (كاب ديكارت) مقلقة من الأخبار الأخيرة، الي متعلقة بموازنة وكالة التعليم الفرنسي بالخارج، برسم 2017 و2018 والي يمكن يكون من تداعياتها التراجع الكبير فجودة التعليم بشبكة وكالة التعليم الفرنسي بالخارج.

وأكدات على مساندتها الكاملة للخطوات الي كتقوم بها “فيدرالية النقابات المتحدة” المعبرة عن القلق العميق ديال الأساتذة خصوصاً بعدما تلغات مخصصات الميزانية (33 مليون دولار) برسم 2017 بالنسبة لوكالة التعليم الفرنسي بالخارج، والي علنات عليها الحكومة الفرنسية هاذ الصيف
وهضرات الجمعية عن التحاقها بحركة الإضراب المقرر يوم 27 نوفمبر ، الي كيصادف يوم اجتماع المجلس الإداري لوكالة التعليم الفرنسي بالخارج، ودعات كافة المنخرطين وكل أباء وأولياء التلاميذ للتحرك من أجل استمرارية شبكة التعليم الفرنسي بالخارج.

واعتبرت الجمعية أن خفض الميزانية بنحو 10 بالمائة، غادي تتبعو عمليات تقليص أخرى، غاتدفع وكالة التعليم الفرنسي بالخارج على برمجة إلغاء ما يزيد عن 500 منصب تدريس رسمي، أي ما يمثل نسبة 8 فالمئة من الطاقم التربوي الحالي، وهادشي على مدى الثلاثة سنوات الي جاية.

والوكالة مغاتقدرش ف2018، باش تخلص حتى إعانات للمؤسسات خارج الأمن والاستثمارات الي مبرمجة وغادي ترفع من قيمة رسوم الدراسة بنسبة كتراوح بين 6 و9 فالمئة.

وشددات الجمعية على أنه واخا كان صعيب بالنسبة ليها إلا أنها كتشجع على الإضراب، والي الهدف منو الضغط على البرلمانيين الفرنسيين الي كيدرسو حاليا موازنة عام 2018.

موضوعات أخرى

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو

28/03/2024 02:00

مصور عندو 71 عام اتاهم الوالد ديال تايلور سويفت أنه تعدا عليه بالضرب ملي كان كيصورها