04/05/2024 19:30
الموظفين فمحكمة الاستئناف ففاس غاديين وكيقلالو.. ومصدر لـ”كود”: كاين تخبط كبير فالتجاوب مع طلبات المرتفقين وكثر من 20 ألف ملف جا للمحكمة من الغرف المحذوفة
تصوير وإعداد: عفراء علوي محمدي- كود//
شاركو فوقفة اليوم للتضامن مع الصحافي سليمان الريسوني حقوقيين وفاعلين مدنيين، بالإضافة لعائلتو وعائلة الصحافي عمر الراضي المعتقل بدوره فقضية أخرى، وصحافيين ومعتقلين سابقين.
زوجة الريسوني، خلود مختاري، قالت فتصريحها ل”كود” أن اعتقالو لمدة 9 اشهر احتياطيا ووضعو فزنزانة انفرادية ماشي معقول، وهو إمعان فتعذيبو وتعذيب العائلة ديالو، كيف الاعتقال جا بغرض سياسي انتقامي.
من جهتو قال والد الراضي، ادريس الراضي، ل”كود” أنه هو وكافة العائلة كيضامنو مع الريسوني باعتبارو “صحافي نزيه”، وكيقبع مع الراضي فنفس الجناح، كيف طالب بسراحهم بجوج او على الأقل “السراح المؤقت”.
وبدورو، فحديثو مع “كود” قال الحقوقي خالد بكاري أنه مايمكنش يكونو مع طرف دون آخر فقضية معروضة على القضاء، أو يكونو ضد حق طرف ما يرفع قضية فمواجهة طرف آخر، بغض النظر واش التهم صحيحة أو لا، لكن الحاجة اللي كتخلي الحقوقيين يتيقنو بأن هذو تهم مفبركة، هي فاش هذ التهم وطرق الاعتقال كتولي تعاود بنفس السيناريو مع بزاف.
هنا فالفيديو تصريحات اخرى وتفاصيل اكثر:
