كود سبور//
رجع المنتخب الإسباني للتداريب من بعدما استفدو اللعابا ديالو من يوم راحة البارح السبت، وبداو اليوم الأحد الاستعدادات ديالهم لمواجهة المغرب فماتش ثمن نهائي كأس العالم قطر 2022.
وعرفت تداريب منتخب إسبانيا اليوم فتيران الريان، حضور جميع اللعابا ولكن ماشي كاملين شاركو فالتداريب الجماعية ديال لكروب، حيث الثنائي سيزار أزبيليكويتا المدافع، ولكول ديفيد رايا تدربو بوحدهم تداريب خفيفة الشي اللي كيبين بلي باقيين موعتين من الماتش اللي فات ضد الجابون.
وكيحاول مدرب منتخب إسبانيا لويس إنريكي والطاقم التقني والطبي اللي معاه يوجدو اللعابا ديالهم للماتش ديال المغرب بدنيا وحتى نفسيا، لأنهم مؤهلين لثمن النهائي وهما مدمرين حيث سالاو مرحلة المجموعة بنتيجة كارثية بعدما خسرو مع الجابون ودات لهم صدارة لكروب 5.
