24/04/2024 03:00
السعودية طلبات كثر 33 ألف واحد يرجع طوموبيلاتهم “الهاي كلاس”.. مهددين بالكسايد ومشاهير ونجوم حتى هما معنيين
كود كازا ///
وزيرة التضامن والادماج الاجتماعي الاستقلالية عواطف حيار مخلية وزارتها ودارت الادماج الاجتماعي مع راجلها اللي جابتو مدير ديوان ليها. الاستقلالية بدات التضامن من دارها وصافي.
هاد الخطأ الغبي اللي دارتو كان غير بداية لزلات خراين. صحافيون اتصلو بالوزيرة ناض البعل مدير الديوان رد بغباء باللي هاذا خطأ فالتواصل مع الوزيرة. تصورو تتصل بوزيرة يرد عليك راجلها. حتى مع حكومة البي جي دي هاد الشي ما كانش.
هاد الراجل اللي عايش باسم مراتو من ايام رئاستها للجامعة قال للصحافيين حطو طلباتكم فمكتب الضبط. هو خاص اللي يضبطو عوض ما يضبط وزيرة فالوزارة.
مدير الديوان المستبد كيمارس حصار على زوجته الوزيرة بشكل فاضح اصبح يعرفه القاصي والداني وهو امر طبع معاه لما كانت الوزيرة رئيسة جامعة قبل قدومها إلى الوزارة .
اللي غريب ان هاد لمقدم خديوي فيوم إطلاق الحملة الوطنية لوقف العنف ضد النساء اللي كان ف25 نونبر 2021 بقلب كلية العلوم القانونية والاقتصادية والاجتماعية مارس العنف على الزوجة / الوزيرة وهو يتحكم في تصريحاتها ومدة التصريحات
