الرئيسية > آراء > ها علاش خاص مستشاري سيدنا ومدير ديوانو والكتابة الخاصة تمنعو من البيزنس وجميع لفلوس. ادانة خو ياسر الزناكي راه ادانة ليه وشوهة لبلادنا اللي خلات الشيخة موزة تشكي على اللي وقع ليها
25/11/2021 10:00 آراء

ها علاش خاص مستشاري سيدنا ومدير ديوانو والكتابة الخاصة تمنعو من البيزنس وجميع لفلوس. ادانة خو ياسر الزناكي راه ادانة ليه وشوهة لبلادنا اللي خلات الشيخة موزة تشكي على اللي وقع ليها

ها علاش خاص مستشاري سيدنا ومدير ديوانو والكتابة الخاصة تمنعو من البيزنس وجميع لفلوس. ادانة خو ياسر الزناكي راه ادانة ليه وشوهة لبلادنا اللي خلات الشيخة موزة تشكي على اللي وقع ليها

كود هناء ابو علي ////

نهار الاثنين حكمات المحكمة الابتدائية بالرباط علي كريم الزناگي خو ياسر الزناگي ب3 سنين سجنا نافذا مع الغرامة وعلى شي شريك ديالو اسمو بن الخياط بعام حبس.

فهاد الحكم اللي نشراتو جريدة “برلمان” تحكم على خو المستشار الملكي يؤدي تعويض للمطالبة بالحق المدني قيمتو 96 مليون درهم.

هاد القصة بدات باش كلفات الشيخة موزة ام امير قطر تميم بن حمد هاد المغربي كريم الزناگي شي اوطيل فمراكش. صاحبنا حسب ليها لوطيل ب250 مليون درهم وقيمتو حسب تقارير انجزت فالموضوع٬ يالله 150 مليون درهم. هاد الشي باش تفهمو علاش تحكم عليه باداء 96 مليون درهم وعلى شريكو باداء 10 مليون درهم للمطالبة بالحق المدني اي الشيخة موزة.

طبعا الملف ما كانش غادي يوصل لهاد الشي كون ما اتصلاتش الشيخة موزة بالفوق وعاودات ليهم اش وقع ليها.

دابا فين المشكلة؟ المشكلة ان هاد كريم الزناكي خدام مع خوه ياسر الزناكي فالبيزنس. مع القطريين قبل من القطريين. المهم ديما خدامين مجموعين. نفس ياسر الزناكي اكتشفنا انو عندو حساب باسمو الفرنسي هادي اشهر فتحقيقات على اللي كيتهربو من الضرائب فالعالم.

هاد الشي راه فيه اساءة للملكية. اساءة للقصر. هادو خدامين مستشارين للملك. خاصهم يبعدو علي البيزنس. ماشي غير هما٬ حتى الكتابة الخاصة وديوان الملك خاصهم يبعدو على شي حاجة عندها علاقة بالبيزنس. هاد العالم غريب وفيه لقتيلة ولوسخ والمشاكل. كيف ما كان هاد البيزنسمان غادي يقدر يطيح فامور مخالفة للقانون.

باش هاد الباب يتسد خاص حسم فهاد الموضوع. اللي خدم مع سيدنا ما يقربش للبيزنس. ما يديروش لا هو لا اللي كان مشارك معاهم. نهار يسالي مهمتو يدير اللي بغى. طالما هو فمنصبو راه كيهدر باسم الملك ماشي باسمو الشخصي.

فهاد الملف ديال موزة وخو الزناكي كانت تدخلات باش غير يطبق القانون. فملفات كثيرة طرفها شي واحد بحال الزناكي٬ راه كتكون تدخلات باش ما يطبقش القانون

موضوعات أخرى

28/03/2024 17:38

تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش

28/03/2024 17:00

واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي

28/03/2024 16:20

رقم معاملات “لوسيبي” وصل لـ91,27 مليار درهم فعام 2023 وخا كان انخفاض كبير فأسعار المنتجات الفوسفاطية

28/03/2024 15:30

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 15:20

الريح قوية مع الغبارية .. وزارة التجهيز: الشيافر فهاد المدن يردو بالهوم مزيان فالطريق