هناء أبو علي ـ كود ///

مجهود كبير دارو ريدوان باش تنجح أغنية الموندياليتو، ولكليب ديالها كولو دارو مزيان، وقف على الشادة والفادة فالكلمات، الألحان، الإخراج الألماني، ولكن لي طبز ليها العين فالكاستينغ هو “حاتم عمور، وفق ما أكدو مصدر لـ”كود”.

المغني اللي كيبغي يركب على كلشي، خربق كلشي حنى فنانين الموندياليتو يضيف مصدر “كود”.

بسبابو، يوضح المصدر،  تأجل طرح الكليب للي كان مقرر بتطرح خلال افتتاح هاذ الحدث المغربي العالمي..

عمور، وفق نفس مصدر، فرض على منتج الكليب باش يعاود المشاهد الخاصة به حيث ماعجبوش راسو.. وهادشي طبعا كان من المستحيل.

لكن عمور يضيف مصدر “كود”، فرض عليهم باش يصور المشاهد ديالو بإمكانياتو الخاصة.. جاب فريق عمل ديالو ما عندو علاقة باحترافية الأول. كانت جودة الصورة ما مطابقاش.. تعطل المونتاج وهاكا داز الافتتاح بلا طرح الكليب الرسمي للموندياليتو يضيف مصدر “كود”

مرات عمور اللي هي الماناجر ديالو دخلات فالتفاصيل الدقيقة للكليپ حتى دار فيها تقني قدام الجميع الجميع.

حاتم عمور علاقته بأغلب فناني الموندياليتو ماشي سمن على عسل وهاد الشي غيأثر على لكليب اللي ولى بارد حقاش ما تلاحش فوقتو أي فحفل لافتتاح.

باينة ريدوان غادي يقول مع راسو. أش جابني ندخل عمور.