كود القاهرة //

مزيان باللي نجوم المنتخب المغربي اللي مشاركين فكأس افريقيا للامم يشاركو الشخص اللي مكلف مكلف بالامتعة فعيد ميلادو. تصرف مزيان. غادي يزيد يخليهم عزاز عند لمغاربة. هادو نجوم كبار شطحو وفرحو بعيد ميلاد جمال الازهري. كان فمقدمة الفرحانين اللي شطح وردح وفرح هو فيصل فجر. هاد اللعاب معروف عليه حبو للغنا والنشاط. فين ما كانتش شي سهرة كيشد الميكرو واراه لرويشة.

عيد الميلاد هاد هادي يومين وشاركو نجوم المنتخب جمال الازهري ففرحتو ومن بعد اللعابة نشرو الفيديو. عيد الميلاد داروه ففندق “جي دابليو ماريوت” اللي كاين فيه المنتخب واللي متواجد قريب من مطار القاهرة الدولي. هادا عيد ميلاد ما عمرو ينساه صاحبنا.

فيديو قصير كيبين باللي الامور مزيانة بين اللعابة قبل ماتش الكوت ديفوار غدا الجمعة.