كود هناء ابو علي ///

علمت “كود” ان حزب الاتحاد الدستوري غادي يبقى فالحكومة. مصدر حزبي اكد ل”كود” ان الحزب مستمر فالحكومة وفالتحالف مع التجمع الوطني للاحرار.

المصدر قال ل”كود” بخصوص احتمال خروج محمد ساجيد وزير السياحة والامين العام لحزب العود٬ بالاضافة الى عثمان فردوس كاتب الدولة لدى وزير التجارة والصناعة والاستثمار والتكنلوجيا الحديثة مكلف بالاستثمار٬ هاد الشي محتمل ولكن واخا يوقع الحزب باقي فالحكومة.

وربطت مصادر اخرى ل”كود” بقاء الاتحاد الدستوري فالحكومة بتقوية التجمع الوطني للاحرار في مفاوضاته بخصوص التعديل الحكومي اللي طلبو الملك “الاحرار ايلى دخل للحكومة وهو ب60 مقعد =مقاعد الاحرار 37 والباقي الاتحاد الدستوري= غادي يكون فموقع قوة يفاوض. وهاد الشي مهم فالفريق الحكومي اللي غادي يخرج فحكومة العثماني”.

شي دستوريين اكدو ل”كود” باللي الحزب مفتوح على استقطاب اطر كفءة بحال كيف استقطب الاحرار امثال بنشعبون “هادا مهم لينا وما كرهناش بحال هاد الكفاءات تجي عندنا وتدخل للحكومة باسمنا”.