كود كازا//
هاد الشعب فيه شي مساخيط خطار. ما يمكنش يدوز شي حدث بلاما يزيدو يغرقو للواحد الشقف.
من البارح، واحد التصويرة من فيديو ديال البشير سكيرج مع موقع “اليوم24” دايرة البوز، حيت باين فيها الفياگرا، والناس كيبارطاجيو فيها على أساس راها بصح.
المهم، “كود” ضربات طليلة خفيفة على الفيديو الأصلي لي مفيهش ديك البواطة كاع، وداكشي باين للعمى أنه غير مفبرك.
وقال سكيرج في اتصال سابق مع “كود” أن هادوك لي صوروه عيطو ليه عوتاني، وقالو ليه را عندهم جوج فيديوهات آخرين غادين ينشروهم.